રાષ્ટ્રપતિ ભવનના હોલનું નામ બદલવાનો મામલો: કોંગ્રેસ મહાસચિવ પ્રિયંકા ગાંધીએ વડાપ્રધાન મોદી પર કર્યો શાબ્દિક હુમલો, કહ્યું- દરબારનો ખ્યાલ નથી પરંતુ 'શહેનશાહ'નો ખ્યાલ છે
.webp)
- 25 Jul, 2024
રાષ્ટ્રપતિ ભવનના દરબાર હોલ અને અશોકા હોલનું નામ બદલી નાખવામાં આવ્યું છે. હાલ આ મુદ્દે રાજકારણ ગરમાયું છે. હવે પછીથી દરબાર હોલ ગણતંત્ર મંડપ અને અશોક હોલ અશોક મંડપ તરીકે ઓળખાશે. આ અંગે કોંગ્રેસ મહાસચિવ પ્રિયંકા ગાંધી વાડ્રાએ વડાપ્રધાન નરેન્દ્ર મોદી પર શાબ્દિક પ્રહારો કર્યા છે. પ્રિયંકા ગાંધીએ આ અંગે ટિપ્પણી કરતા કહ્યું કે દરબારનો કોઈ ખ્યાલ નથી પરંતુ શહેનશાહનો ખ્યાલ છે. ઉલ્લેખનીય છે કે આ નામ બદલવાની વાત વિપક્ષોને ગળે ઉતરી ન હોવાને કારણે આ મુદ્દો વધુ જોર પકડે તેવી શક્યતા છે.
રાષ્ટ્રપતિ ભવનની અંદર સ્થિત દરબાર હોલ અને અશોક હોલના નામ બદલવામાં આવ્યા છે. રાષ્ટ્રપતિ ભવન દ્વારા બહાર પાડવામાં આવેલી અખબારી યાદી મુજબ, દરબાર હોલનું નામ હવે ગણતંત્ર મંડપ અને અશોક હોલનું નામ અશોક મંડપ રહેશે. દરબાર હોલ એ છે જ્યાં રાષ્ટ્રીય પુરસ્કારો આપવામાં આવે છે, જ્યારે અશોક હોલ મૂળ રૂપે એક બોલરૂમ હતો.
સરકારે એક સત્તાવાર નિવેદનમાં જણાવ્યું હતું કે 'દરબાર', જે ભારતીય શાસકો અને અંગ્રેજોની અદાલતો અને એસેમ્બલીઓનો ઉલ્લેખ કરે છે, ભારત પ્રજાસત્તાક બન્યા પછી તેની સુસંગતતા ગુમાવી દીધી છે. રાષ્ટ્રપતિ ભવન તરફથી કહેવામાં આવ્યું હતું કે ભારત હવે પ્રજાસત્તાક છે. આવી સ્થિતિમાં દરબાર જેવા શબ્દનો ઉપયોગ કરવો યોગ્ય નથી. ભારતીય સમાજમાં પ્રજાસત્તાકની વ્યાખ્યા પ્રાચીન છે. તેથી દરબાર હોલનું નામ બદલીને હવે ગણતંત્ર મંડપ કરાયું છે. અશોક હોલનો ઉપયોગ બોલરૂમ તરીકે કરવામાં આવ્યો છે. અશોક એટલે કોઈપણ પ્રકારના દુ:ખથી મુક્ત થવું.
આવી સ્થિતિમાં અશોક નામ યથાવત રહેશે, પરંતુ હવે તેમાં હોલને બદલે મંડપ શબ્દ ઉમેરવામાં આવશે. રાષ્ટ્રપતિ સચિવાલય વતી કહેવામાં આવ્યું હતું કે, રાષ્ટ્રપતિ ભવન દેશનું પ્રતીક છે અને તેનો સમૃદ્ધ વારસો દર્શાવે છે. 'રાષ્ટ્રપતિ ભવન સુધી લોકોની પહોંચ વધારવા માટે સતત પ્રયાસો કરવામાં આવી રહ્યા છે. આ સિવાય રાષ્ટ્રપતિ ભવનની ઓળખને ભારતીય સંસ્કૃતિના મૂલ્યો અને ભાવનાઓ સાથે જોડવામાં આવી રહી છે.
.webp)
.webp)
.webp)
.webp)
.webp)
